Shaban Abdel Raheem
Janoun El Baqar:
حتي البقر تجنن حتي البقر هف
وعقلوا هوا وخف
لو شفت بقره ماشيه ابقي امشي في السليم
وبلاش اللبس الاخضر لا تفكرش برسيم
حتي البقر تجنن مش لاقينله علاج
والعالم كله شايف ومقدم احتجاج
حتي البقر تجنن ما ضرش اي حد
ولا عمره قال ححارب ولا هدد اي حد
حتي البقر تجنن وا لموضوع معروف
والبركه بقه بالمعزه والخروف
من يوم ما البقر تجنن عايشين يا ناس كابوس
وانا خايف عالفرخه جدا ومقدر الجاموس
حتي البقر تجنن حتي البقر انهار
وفرح الارانب وشمت الحمار
اللحمه البلدي غليت والرومي والاربيط
من يوم البقر تجنن وقالوا عليه عبيط
حتي البقر تجنن والعالم واللي فيه
وحروب في كل حته والاكل مش لقيه
البقره لما هوت ادلعوا المعيز
والبط هز ديلو وعاملي هركوليز
الرأي لكل واحد ومحدش اختلف
العيب في الحشيش يا اما في العلف
