Mohamed Abdo

الا واشيب عيني يوم قالولي فمان الله
تحققت انهم من عقب لا ماهم مقفيني
تغايا لي خيال الموت يومه مدني يمناه
ولد بعينه الخرسا عقب ما اقفا يراعيني
نهت وقلت مما جات بالصندوق وا عزاه
سرا بالله الباكر يطرد ما بينه وبيني
حبيبي خذت قلبي قلبك المحبوب عطنياه
على شان نتساوى في المحبة وفي الموازيني
حلفت بنور عيني لو يطول البعد أنا مانساه
أنا وش لون أبنسى الي من العربان شاريني
ولا قارنت به غيره خجلت وقلت وانا اقصاه
أنا وش لون أقارن كميل الأوصاف بالشيني
تصبر يا خفوق صار تاه اليوم وسط رداه
على رجو ان رب العرش يدنهم ويدنيني
ولو هو في حسن يوسف كسف بالنور نور ضياه
واختمها عسى رب بلاني به يقويني