MTM » Amy Musafra
Leih Tishky:
تاكى :
ابقا كداب لو قلت مرة انى نسيت ايام زمان
مهما ان كان مش حنسا صحابى القدام
الايام بتعدى والحياة بتستمر
دلوقتى بس عرفت ان انا كبرت
ابتديت دلوقتى افهم معنى كلمة المصالح
ناس تبقا صحابك بس الكدب فى عينهم واضح
واضح اية جواهم واللى كانوا فاكرينة سر
حاولت كتير معاهم واستحملت
ممكن اكون صغرت فى عينهم بس خلاص مبقاش يهم
مش حسأل لية بيقولو عليا كلام زى السم
مش مهم مين يتكلم مش مهم مين ينم
المهم ان المهمة بتاعتى لازم تتم
سيبكوا مل الكلام بقا سيبكوا مل الفضايح
سيبكوا من الكذب انتوا بتلعبوا فى الوقت الضايع
على العموم كلة رايح مفيش فايدة من النصايح
ليه تشكى وتلوم الناس
خليك طيب كدا وحساس
تفكيرك محتاج تغير الدنيا ابسط من كدا بكتير
مايكى :
ليا واحد صاحبى قريب جدع كويس وكمان طيب
ونتيجتة فى الكلية زى ما هى دايمان جيد
بيحب واحدة زميلتة يعرفها من يوم ما قابلتة
حتقولولى اية مشكلتة
مشكلتة يا جماعة مع عيلتو
انا مس فاهم لية مصرين انوة يتجوز بنت خالو
قال اية كانوا متفقين طب بس وهو مالة
دلوقتى قاعد حزين مبيتكلمش وقاعد فى حالة
بقا عامل زى المجانين حيرحب بالموت لو جالو
لية تشكى وتلوم الناس
خليك طيب كدا وحساس
تفكيرك محتاج تغير الدنيا ابسط من كدا بكتير
محمود :
شديت باسبورى وخت الفيزا اهوا جة دورى اروح امريكا
ارض الاحلام بلد الافلام ومتنساش المزيكا
مكنتش عارف رايح او حاجيب فلوس منين
كل اللى كنت عايزة انى اتصرف فى قرشين
كنت حاطط فى دماغى انى اعيش يومين
كنت فاكر انى حعمل من الالف الفين
ودوخت على شغل ورحت وجيت كتير
ودقت هناك المر وشفت انى اسير لناس
ملهاش ملهاش كبير لناس ملهاش ضمير
لناس مبتتمناش لغيرها خير
وكان الضربة قاضية يوم ما رحلونى
رجعت وايدى فاضية دا غير كمان ديونى
جنونى والفلوس عمونى
صدقونى حقكو تلومونى
لية تشكى وتلوم الناس
خليك طيب كدا وحساس
تفكيرك محتاج تغير الدنيا ابسط من كدا بكتير
